Ռուսական զինուժը վերահսկողության տակ է վերցրել Վլադիմիրովկա և Ռուսին Յար բնակավայրերը

Ռուսաստանի զինուժը վերահսկողության տակ է վերցրել Դոնբասի մի քանի բնակավայրեր։ Տեղեկությունը հայտնում է Ռուսաստանի պաշտպանության նախարարությունը։

««Կենտրոն» զորախմբավորման ստորաբաժանումներն ազատագրել են Դոնեցկի Ժողովրդական Հանրապետության Սուխեցկոյե, Պանկովկա, Վլադիմիրովկա և Ռուսին Յար բնակավայրերը»,– ասված է հաղորդագրությունում։

Գերատեսչությունը նաև հայտնում է, որ ռուսական զինուժը օգոստոսի 16-22-ն ընկած ժամանակահատվածում բարձր ճշգրտության զենքերով և անօդաչու սարքերով 6 խմբային հարված է հասցրել Ուկրաինայի տարածքում գտնվող մի շարք թիրախների։

Հարվածների տակ են հայտնվել ռազմարդյունաբերական համալիրի ձեռնարկություններ, էներգետիկ օբյեկտներ, ինչպես նաև ուկրաինական խմբավորումներին վառելիք մատակարարող նավթավերամշակման գործարանը։ Հարված է հասցվել նաև այն պահեստներին, որտեղ պահվել են «Սապսան» օպերատիվ-մարտավարական հրթիռներ, վառելիք, հրթիռային և հրետանային սպառազինություն և հեռահար անօդաչու սարքեր։