Նաիրա Զոհրաբյանը զայրացրել է Չավուշօղլուին

Թուրքիայի ԱԳ նախարար Մևլութ Չավուշօղլուն Twitter-ի իր էջում դատապարտել է ԲՀԿ կուսակցության պատգամավոր և ԵԽԽՎ հայաստանյան պատվիրակության անդամ Նաիրա Զոհրաբյանին Թուրքիայում «Արդարություն և զարգացում» կուսակցության՝ ազգությամբ հայ պատգամավոր Մարգար Եսայանին «անձնական վիրավորանք» հասցնելու համար:

«Դատապարտում եմ Մարգար Եսայանին հասցեագրված այդ վիրավորանքը»,- գրել է Չավուշօղուն:

Հիշեցնենք, որ հունվարի 25-29-ը Ստրասբուրգում ԵԽԽՎ-ն ձայների` 70 դեմ, 66 կողմ հարաբերակցությամբ մերժել էր բրիտանացի պատվիրակ Ռոբերտ Ուոլթերի` «Բռնության աճը Լեռնային Ղարաբաղում և Ադրբեջանի մյուս օկուպացված տարածքներում» զեկույցը, սակայն ընդունել Բոսնիա և Հերցեգովինայի պատգամավոր Միլիցա Մարկովիչի՝ «Ադրբեջանի սահմանամերձ շրջանների բնակչությունը միտումնավոր զրկված է ջրից» զեկույցը՝ 98 կողմ, 71 դեմ ձայներով:

Թե ո՞վ է ԵԽԽՎ-ում երկու հակահայ զեկույցներին կողմ քվեարկած Մարգար Եսայանը, կարող եք կարդալ այստեղ: