Ծառուկյանի նախընտրական շտաբը պետք է Նաիրա Զոհրաբյանը ղեկավարեր

«Ժողովուրդ»-ն իր նախորդ համարներից մեկում տեղեկացրել էր, որ ԲՀԿ նախագահ Գագիկ Ծառուկյանի` Բրյուսել կատարած հայտնի այցի ժամանակ, երբ մի պահ համաձայնություն էր ձեռք բերվել նրա առաջադրման կապակցությամբ, գրեթե վերջնականապես որոշվել էր նրա նախընտրական շտաբի կազմը, թե ով ինչ ոլորտում է պատասխանատվություն ստանձնելու:

Հստակ որոշվել էր, գրում է թերթը, նաև նախընտրական շտաբի պետի անունը: Թերթի տեղեկություններով` Ծառուկյանը ցանկացել էր, որ իր նախընտրական շտաբը ղեկավարի ԱԺ ԲՀԿ խմբակցության քարտուղար Նաիրա Զոհրաբյանը:

Բայց, ինչպես ասում են,  ուրբաթը շաբաթից շուտ եկավ: Այնուամենայնիվ, թերթը փորձել է այս տեղեկությունը պաշտոնապես ճշտել ԲՀԿ-ից, սակայն չի հաջողվել: Նաիրա Զոհրաբյանն էլ հրաժարվել է այդ թեմայով որևէ մեկնաբանություն տալ: