Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Հունվարի 23-ին արտաքին գործերի նախարար էդվարդ Նալբանդյանն ընդունել է Ֆրանսիայի զարգացման և Ֆրանկոֆոնիայի հարցերով պետական քարտուղար Աննիկ Ժիրարդենին։
Աննիկ Ժիրարդենը շեշտել է, որ Ֆրանսիան կարևորում է բարեկամ Հայաստանի հետ համագործակցության ամրապնդումը և ընդլայնումը բոլոր ոլորտներում, այդ թվում` որպես ֆրանկոֆոն ընտանիքի ամենաակտիվ անդամներից։
Հանդիպմանը հանգամանալից անդրադարձ է արվել տարբեր բնագավառներում երկկողմ փոխգործակցության խորացման հարցերին, միջխորհրդարանական կապերի, ապակենտրոնացված համագործակցության, կրթության ոլորտում փոխգործակցության զարգացմանը։
Առևտրատնտեսական կապերի խորացման համատեքստում կարևորվել է ֆրանսիական ընկերությունների արդյունավետ գործունեությունը Հայաստանում, ֆրանսիական ներդրումների խթանումը և համապատասխան բարենպաստ պայմանների կատարելագործումը։
Այդ առումով նախարար Նալբանդյանն արժևորել է Հայաստանում Զարգացման ֆրանսիական գործակալության կողմից իրականացվող ծրագրերը, որոնք մեծապես նպաստում են Հայաստանի սոցիալ-տնտեսական առաջընթացին։
Անդրադարձ է արվել նաև միջազգային կազմակերպություններում համագործակցության սերտացմանը, կարևորվեց դրանց խորհրդարանական վեհաժողովներում փոխգործակցության զարգացումը։