Բանդայի «պարագլխին» թույլ չեն տա մասնակցել հոր հուղարկավորությանը

Արդեն հայտնել ենք, որ երեկ երկարատև հիվանդությունից հետո, 80 տարեկան հասակում մահացել «Գառնու Սուրիկի լավաշ» ընկերության սեփականատեր Սուրիկ Հակոբյանն, ով վերջին տարիներին լուրջ առողջական խնդիրներ ուներ:

Yerkir.am-ը ՀՀ ԱՆ քրեակատարողական վարչությունից հետաքրքրվեց, արդյոք «Նուբարաշեն» ՔԿՀ-ում պատիժ կրող Սուրիկ Հակոբյանի դատապարտյալ որդուն՝ բանդայի պարագլուխ համարվող Արտուշ Հակոբյանին կթույլատրեն մասնակցել հոր հուղարկավորությանը:

Ի պատասխան մեր հարցի՝ քրեակատարողական հիմնարկից հայտնեցին, որ հաշվի առնելով այն հանգամանքը, որ Հակոբյանը դատապարտվել է առանձնապես ծանր հանցագործության համար, նրան կարճատև մեկնում չի թույլատրվում:

Հիշեցնենք, որ Արտուշ Հակոբյանը մեղադրվում էր մի շարք պաշտոնյաների և մեծահարուստների տներ թալանած բանդան կազմակերպելու և ղեկավարելու մեջ և 2014թ-ի սեպտեմբերի 26-ին Կենտրեն և Նորք-Մարաշ վարչական շրջանների ընդհանուր իրավասության դատարանի վճռով դատապարտվել էր 15 տարի ժամկետով ազատազրկման: