Պաղեստինի ղեկավարը խնդրել է թույլ տալ իրեն` մասնակցել Շիմոն Պերեսի հուղարկավորությանը

Պաղեստինի ղեկավար  Մահմուդ Աբասը ցանկություն է հայտնել մասնակցելու Իսրայելի նախկին  նախագահ Շիմոն Պերեսի հուղարկավորությանը, փոխանցում է BBC-ն: Նա դիմում է գրել` խնդրելով թույլ տալ իրեն այցելել  հուղարկավորմանը:

Իսրայելի նախկին նախագահը մահացել է սեպտեմբերի 27-ին` 93 տարեկանում՝  կաթվածից:

Նշենք, որ հուղարկավորությանը մասնակցելու համար Իսրայել կժամանեն մեծ թվով համաշխարհային առաջնորդներ, այդ թվում՝ ԱՄՆ նախագահ Բարաք Օբաման,  Գերմանիայի կանցլեր Անգելա Մերկելը, Ֆրանսիայի նախագահ Ֆրանսուա Օլանդը, ՄԱԿ գլխավոր քարտուղար Պան Գի Մունը: Ավելի վաղ Իսրայել է ժամանել  ԱՄՆ նախկին նախագահ Բիլ Քլինթոնը:

Հուղարկավորությունը  սեպտեմբերի 30-ին է: