Լեհաստանում Լեյն Կիրկլանդի անվան կրթաթոշակի ծրագիրը բաց է նաև Հայաստանի համար

Լեհ-ամերիկյան ազատության հիմնադրամը և Կրթություն հանուն ժողվրդավարության հիմնադրամը հայտարարում են հերթական` 2016-2017 ուսումնական տարվա Լեյն Կիրկլանդի անվան կրթաթոշակի բաց մրցույթը Հայաստանի, Ուկրաինայի, Բելառուսի, Ռուսաստանի, Մոլդովայի, Վրաստանի, Ադրբեջանի, Ղազախստանի և Ղրղզստանի քաղաքացիների համար:

Ծրագրին կարող են մասնակցել բարձրագույն կրթություն ունեցող երիտասարդ առաջնորդներ, որոնք շահագրգռված են իրենց երկրներում և տարածաշրջանում հաստատել ժողովրդավարություն, ինչպես նաև զարգացնել տնտեսությունը, լուծել քաղաքացիական հասարակության հիմնախնդիրները:

Ծրագիրը ներառում է ուսուցում` լեհական բուհերում (2 կիսամյակ) և աշխատանքային ստաժ` պետական կամ մասնավոր հիմնարկություններում (2-4 շաբաթ):

Մասնակցության հայտ ներկայացնելու վերջնաժամկետն է 2016 թվականի մարտի 1-ը:

Ծրագրի մասին ամբողջական տվյալները՝ www.kirkland.edu.pl կայք էջում: