Մահացել է շախմատի Հայաստանի բազմակի չեմպիոն Էդուարդ Մնացականյանը

Հունվարի 18-ին կյանքի 78-րդ տարում մահացել է շախմատի Հայաստանի բազմակի չեմպիոն Էդուարդ Մնացականյանը: Ինչպես հայտնում է Հայաստանի շախմատի ֆեդերացիայի պաշտոնական կայքը,  Էդուարդ Մնացականյանը ծնվել է 1938 թ. դեկտեմբերի 6-ին Երևանում: 1958, 1959, 1960, 1962 և 1967 թվականներին դարձել է Հայաստանի չեմպիոն:

 ԽՍՀՄ հավաքականի կազմում դարձել է ուսանողական խաղերի աշխարհի կրկնակի չեմպիոն: Նա տարիներ շարունակ հանդիսացել է Հայաստանի կանանց հավաքականի գլխավոր մարզիչ:

 Էդուարդ Մնացականյանի հանրահայտ սաներն են Ռաֆայել Վահանյանը, Արշակ Պետրոսյանը, Սամվել Տեր-Սահակյանը:

 1978 թվականին արժանացել է միջազգային վարպետի կոչման: Մասնակցել է բազմաթիվ միջազգային մրցաշարերի: 2009 թվականին ՀՀ նախագահի կողմից պարգևատրվել է Տիգրան Պետրոսյանի անվան ոսկե մեդալով: