Ըմբիշ Ռաֆիկ Մանուկյանը` «Թախթիի Գավաթ»-ում ոսկե մեդալ է նվաճել

Հունահռոմեական ոճի ըմբշամարտի Հայաստանի հավաքականի անդամ Ռաֆիկ Մանուկյանը դարձել է «Թախթիի Գավաթ»-ի միջազգային 36-րդ մրցաշարի ոսկե մեդալակիր: Հայտնում է ՀԱՕԿ պաշտոնական կայքը:

80 կգ քաշայինների պայքարում հայ ըմբիշը եզրափակչում առավելության է հասել իրանցի Ֆալահ Մեհդիի նկատմամբ:

Ազատ ոճի ըմբշամարտի Հայաստանի հավաքականի անդամ Արտակ Հովհաննիսյանը բրոնզե մեդալ է նվաճել: 61 կգ քաշայինների պայքարում հայ ըմբիշն երեք գոտեմարտ է անցկացրել և զբաղեցրել մրցանակային 3-րդ տեղը: 65 կգ քաշային Արթուր Բաղդասարյանը բրոնզե մեդալի համար պայքարում 4:2 հաշվով զիջել է իրանցի Ղիյասի Մորթեզային և զբաղեցրել 5-րդ տեղը

«Թախթիի Գավաթ»-ի միջազգային 36-րդ մրցաշարը, որին մասնակցել են 15 երկրի ըմբիշներ, կայացել է հունվարի 14-15-ը Թեհրանում: