Մարմնամարզության աշխարհի գավաթ. Հայաստանը նվաճեց ոսկե, արծաթե և բրոնզե մեդալ

Քաթարի մայրաքաղաք Դոհայում շարունակվում է մարտի 25-ին մեկնարկած) մարմնամարզության աշխարհի գավաթի 8-րդ խաղարկությունը, որին մասնակցում են 33 երկրի շուրջ 120 մարզիկ-մարզուհիներ:

Հայաստանը ներկայացնող 4 մարզիկներ՝  Հարություն Մերդինյանը, Վահագն Դավթյանը, Արթուր Դավթյանը և Արթուր Թովմասյանը, Հայաստանի ազգային հավաքականի գլխավոր մարզիչ Հակոբ Սերբոյանի և Արտյոմ Ավետյանի գլխավորությամբ, մասնակցում են ստուգատեսին:

Նժույգթափերի վրա վարժությունում 30-ամյա Հարություն Մերդինյանը  14,775 միավորով զբաղեցրեց առաջին հորիզոնականը: 2012թ. Լոնդոնի օլիմպիական խաղերի մասնակից Արթուր Դավթյանը բրոնզե մեդալ նվաճեց՝ Մերդինյանին զիջելով 0,25 միավորով:

Օղակների վրա վարժությունում Արթուր Թովմասյան  արձանագրեց 15,425 միավոր և ստացավ արծաթե մեդալ: