Շտապօգնության զանգերը 2015-ին 5,2 տոկոսով ավելացել են

«Շտապբուժօգնություն» ՓԲԸ-ի կանչերը 2015-ին զգալիորեն ավելացել են: Այսօր` լրագրողների հետ հանդիպման ժամանակ, «Շտապբուժօգնություն» ՓԲԸ-ի տնօրեն Թագուհի Ստեփանյանը նշեց, որ 2015-ին գրանցվել է 238 216 կանչ, դա 1507-ով  /5,2 տոկոսով/ ավելի է, քան 2014-ին:

Ստեփանյանը նշեց նաև, որ, չնայած սրան, հոսպիտալացման թվի աճ չի արձանագրվել:

«Մարդիկ ուղղակի սկսել են ավելի հաճախ զանգել մեզ և անգամ այնպիսի դեպքերում դիմել, որոնք այնքան էլ մեր գործառույթների մեջ չեն մտնում: Այսինքն` հիվանդներից շատերը կարող են իրենց պոլիկլինիկա այցելել, բայց նախընտրում  են զանգահարել շտապօգնություն: 2015-ին կանչերի մեծ մասը եղել են սրտանոթային հիվանդությունների գանգատներով, որին հաջորդում են շնչառական հիվանդությունները և տրավմաները»,- ասաց նա: