Ռուսական պարեկային նավը Էգեյան ծովում նախազգուշական կրակ է բացել թուրքական նավի ուղղությամբ

Ռուսական պարեկային  «Սմետլիվի» նավը, որ գտնվում է Էգեյան ծովի հյուսիսային հատվածում,  կանխել է  բախումը թուրքական նավի հետ: Այդ մասին հայտնում է ՌԴ ՊՆ-ն:

«Առավոտյան ժամը 09:03-ին ռուսական նավի անձնակազմը 1 կմ հեռավորության վրա հայտնաբերել է թուրքական նավը, որն ուղղությունէ վերցրել դեպի խարսխված «Սմետլիվի»-ն:  Չնայած ռուսական նավի անձնակազի   նախազգուշական բոլոր միջոցներին` ռադիո եւ լուսային ազդանշաններին, թուրքական նավի անձնակազմը որեւէ կերպ չի արձագանքել: Երբ նավերի հեռավորությունը հասել է 600 մետրի` բախումը կանխելու համար` ոչ խոցելու նպատակով  արձակվել է կրակոց, որից հետո թուրքական նավը կտրուկ փոխել է իր ուղղությունը եւ շարունակել ընթացքը»,- ասվում է գերատեսչության հայտարարության մեջ:

Դեպքի առնչությամբ Ռուսաստանում  Թուրքիայի դեսպանատան ռազմական կցորդը հրավիրվել է ՌԴ ՊՆ: