Ռուսաստանը հրթիռներ է արձակել Սև ծովում երեք նավի ուղղությամբ. Reuters

Ռուսական հրթիռները Սև ծովում խոցել են Պանամայի դրոշով երեք նավ. հայտնում է Reuters-ը՝ հղում անելով Պանամայի ծովային վարչության ադմինիստրատոր Նորիել Արաուզային:

«Երեք նավերն էին՝ Namura Queen, Lord Nelson և Helt: Մեկ նավը խորտակվել է, սակայն զոհեր չկան: Մյուս երկուսը մնում են ջրի երեսին, բայց վնասված են»,- ասել է Արաուզան:

Վարչությունը չի հայտնում նավերի խոցման ամսաթիվը:

Արաուզան նշել է, որ առնվազն 10 նավ դեռևս գտնվում է Սև ծովում՝ հավելելով, որ Ռուսաստանի ռազմածովային ուժերը սահմանափակում են նավերի դուրս գալը տարածքից։

Ըստ վարչության՝ Պանաման ունի իր դրոշի տակ գտնվող նավերի ամենամեծ ռեգիստրն աշխարհում՝ ավելի քան 8000: