Ռուս զինվորականները նախազգուշական կրակ են բացել բրիտանական ռազմանավի ուղղությամբ

Ռուսաստանի զինված ուժերը նախազգուշական կրակ են բացել բրիտանական Defender ռազմանավի ուղղությամբ, որը մտել է Ռուսաստանի Դաշնության տարածքային ջրերը Սև ծովում՝ Ֆիոլենտ հրվանդանի մոտակայքում. հայտնում է ՌԴ ՊՆ-ն:

«Ականակրին նախազգուշացվել է Ռուսաստանի Դաշնության պետական սահմանի խախտման դեպքում զենքի կիրառման մասին: Չի արձագանքել նախազգուշացումներին»,– նշել է գերատեսչությունը։

Ժամը 12:06-ին և 12:08-ին սահմանային պարեկային նավը նախազգուշական կրակոցներ է արձակել: Ժամը 12:19-ին Սու-24Մ ինքնաթիռը նախազգուշական ռմբակոծություն է կատարել (բեկորաֆուգասային) ռազմանավի ուղղությամբ:

«Ժամը 12.23-ին Սևծովյան նավատորմի և Ռուսաստանի Դաշնության սահմանապահ ծառայության համատեղ գործողություններով Defender-ը լքել է Ռուսաստանի Դաշնության տարածքային ծովի սահմանները»,- ասվում է հաղորդագրության մեջ: