«Օլիմպիոնիկ»-ի հերոսները կխոսեն Մկոյի, Զարուհի Բաբայանի, Ավետ Բարսեղյանի, Արման Նավասարդյանի ձայներով

Տեղեկացրել էինք, որ «Ռոբերտ Սահակյանց փրոդաքշըն»-ը նոր անիմացիոն ֆիլմ է նկարահանում` Վարազդատ օլիմպիոնիկ թագավորի մասին:

 Yerkir.am-ի հետ զրույցում ռեժիսոր-մուլտիպլիկատոր Դավիթ Սահակյանցը հայտնեց, որ ֆիլմը պետպատվերով է նկարահանվելու, իսկ նկարահանման աշխատանքները 3 տարի կտևեն:

«Այն կկոչվի «Օլիմպիոնիկ»: Վարազդատ արքայի մասին ֆիլմ նկարահանելու գաղափարը ծագել է դեռևս 2009 թվականին: Ֆիլմը պատմում է Վարազդատ արքայի` 4-րդ դարում Հին Հունաստանում ունեցած հանրահայտ հաղթանակի մասին: Ուզում ենք աշխարհին հիշեցնել, թե որ ժամանակներից է սկսվում մեր պատմությունը: Հիմա նկարահանման ընդհանուր պրոցեսն է ընթացքի մեջ»,- ասաց նա:

Սահակյանցը տեղեկացրեց նաև, որ ֆիլմում հերոսները կխոսեն Արման Նավասարդյանի, Մկրտիչ Արզումանյանի, Զարուհի Բաբայանի, Ավետ Բարսեղյանի, Դավիթ Բաբայանի ձայներով: