Քաղաքական էլիտան`ՀՅԴ 125-ամյակի տոնակատարությանը. Լուսանկարներ

 Քիչ առաջ մեկնարկեց ՀՅԴ 125-ամյա տոնակատարությանը նվիրված միջոցառումը, որին եկել էին մասնակցելու պետական բարձրաստիճան այրեր, հոգևորականներ: Միջոցառմանը ներկա էին նախարարներ, պատգամավորներ, ՀՅԴ-ականներ`աշխարհի տարբեր ծայրերից:

Միջոցառմանը բացման խոսքով հանդես եկավ ՀՅԴ ԳՄ ներկայացուցիչ Աղվան Վարդանյանը` ներկայացնելով ՀՅԴ անցած ճանապարհը: Այնուհետև ՀՀ նախագահ Սերժ Սարգսյանի` ՀՅԴ-ին ուղված շնորհավորական ուղերձն ընթերցեց նախագահի աշխատակազմի ղեկավար Վիգեն Սարգսյանը: Նա ասաց, որ ՀՅԴ-ն մշտապես կանգնած է եղել հայապահպանության ակունքներում, ինչպես նաև նշեց, որ Դաշնակցությունը մշտապես իր կայուն տեղն է զբաղեցնում հայոց քաղաքական դաշտում, և մեր երրորդ հանրապետության բոլոր գումարման խորհրդարաններում ներկայացված լինելն այս առումով եզակի քաղաքական ուժ է դարձնում  Դաշնակցությանը:

Ելույթ ունեցավ նաև ՀՅԴ Բյուրոյի ներկայացուցիչ Հրանտ Մարգարյանը, ով ևս ներկայացրեց կուսակցության բազմամյա ուղին և ընդգծեց ներկայիս քաղաքական դաշտում ՀՅԴ-ի նշանակությունը: