Հարություն Խաչատրյանը «Պրոմեթևս» պատվո մրցանակի է արժանացել Թբիլիսիի կինոփառատոնում

Թբիլիսիի 16-րդ միջազգային կինոփառատոնին մրցանակ է ստացել նաև «Ոսկե ծիրան» միջազգային կինոփառատոնի հիմնադիր տնօրեն, ՀՀ ժողովրդական արտիստ, կինոռեժիսոր Հարություն Խաչատրյանը:

Փառատոնն այս տարի հիմնական մրցանակների թվում առաջին անգամ նախատեսել էր երկու «Պրոմեթևս» պատվո մրցանակներ` համաշխարհային կինոյում ունեցած մեծ ավանդի համար. մրցանակներից մեկը բաժին է հասել Հարություն Խաչատրյանին: «Պրոմեթևս» մրցանակի է արժանացել նաև վրաց կինոռեժիսոր Լանա Գոգոբերիձեն:

Թբիլիսիի 16-րդ միջազգային կինոփառատոնն այս տարի անցկացվել է հոկտեմբերի 30-ից նոյեմբերի 6-ը «Ռուսթավելի» կինոթատրոնում:

Հիշեցնենք, որ 2009-ին Խաչատրյանի «Սահմանը» ֆիլմը նույն կինոփառատոնի շրջանակներում արժանացել էր գլխավոր մրցանակի, իսկ 2012-ին տեղի էր ունեցել նրա ֆիլմերի հետահայաց ցուցադրությունը: