Գլենդելում բացվել է հայկական կապիտալով առաջին բանկն ԱՄՆ-ում

500 Բրենդ բուլվար հասցեում նոյեմբերի 19-ին տեղի է ունեցել «Գոլդըն Սթեյթ» բանկի գլխամասային մասնաճյուղի պաշտոնական բացման արարողությունը:

Ըստ Asbarez-ի՝  Գլենդելում հիմնվել է ֆինանսական մի հաստատություն, որն առանձնայատուկ է ոչ միայն սպասարկման որակով, այլև ԱՄՆում առաջին բանկն է, որի բաժնետերերի և ղեկավարող խորհրդի անդամների մեծամասնությունն ազգությամբ հայ է:

Բանկի բացման հանդիսավոր արարողությանը ներկա են եղել ֆինանսական, քաղաքական, հասարակական գործիչներ, «Գոլդըն Սթեյթ» բանկի երկարամյա հաճախորդներ: Նրանք շնորհավորել եւ հաջողություն են մաղթել բաժնետերերին ու աշխատակիցներին: Բանկի ղեկավարները հավաստիացրել են, որ անելու են հնարավորը՝ գործարար համայնքին լավագույն ծառայություններ մատուցելու համար: