Եվրասիական բանկն անսահմանափակ շուկա է խոստանում Հայաստանին` ԵՏՄ-ին անդամակցելուց հետո

Հայաստանի անդամակցությունը ԵՏՄ-ին դրական իրադարձություն է հանրապետությունում Եվրասիական բանկի գործունեության համար. АРКА-ի հետ զրույցում կարծիք է հայտնել ՀՀ-ում Եվրասիական զարգացման բանկի ներկայացուցչության ղեկավար Սերգեյ Իգնատովը. հայտնում է Новости Армения-ն:

«Հայկական բիզնեսի համար բացվում է անսահմանափակ (տնտեսության չափերի առումով) շուկա սեփական արտադրանքի համար, ինչից պետք է օգտվեն հայ գործարարները: Նրանց ձեռնտու են նաև մի շարք երկրներից գյուղատնտեսական արտադրանքը ՌԴ մատակարարելու սահմանափակումները»,- ասել է Իգնատովը։

Նրա կարծիքով՝ ԵՏՄ այլ երկրների ներդրողները նոր ակտիվությամբ կդիտարկեն Հայաստանում ներդրումներ անելու հնարավորությունը։