Տուլայում տեղի ունեցած վթարից տուժածներից 11-ը վերակենդանացման բաժանմունքում են

Ժամը 14.43-ի դրությամբ (նախնական տվյալներով) հայտնի է, որ ՌԴ Տուլայի շրջանում տեղի ունեցած ՃՏՊ-ի հետևանքով զոհվել է 8 քաղաքացի, տուժել՝ 40-ը: Զոհերից 5-ը մահացել են տեղում, 1-ը՝ հոսպիտալացման ճանապարհին, 2-ը՝ Ուզլովայա ԲԿ-ի վերակենդանացման բաժանմունքում: 32 հոսպիտալացված քաղաքացիներից 11-ը գտնվում են վերակենդանացման բաժանմունքում: 8 քաղաքացի ստացել է ամբուլատոր բուժօգնություն:

Ուզլովայա ԲԿ-ում գտնվող 16 տուժածից 6-ը վերակենդանացման բաժանմունքում են, 2-ը՝ վիրաբուժական, 8-ը՝ վնասվածքաբանական:

Կիրեևսկի ԲԿ-ում գտնվող 13 տուժածից 5-ը գտնվում են վերակենդանացման բաժանմունքում, մյուսները՝ վնասվածքաբանական: