Տուլայում ավտովթարից տուժածներից մեկը դեռևս վերակենդանացման բաժանմունքում է

Տեղեկացրել էինք, որ Մոսկվա-Երևան ավտոբուսի վթարի հետևանքով 8 վիրավորներից «Սուրբ Գրիգոր Լուսավորիչ» բուժկենտրոնում այսօր 2 երկուսն են մնացել: Yerkir.am-ի հետ զրույցում բժշկական կենտրոնից տեղեկացրին, որ այսօր հիվանդանոց է տեղափոխվել ևս մեկ տուժած:

Առողջապահության նախարարությունից տեղեցնում են, որ ավտովթարից տուժած` Տուլայի շրջանային կլինիկական հիվանդանոցում բուժում ստացող երկու հիվանդից մեկը գտնվում է վերակենդանացման, մյուսը` վնասվածքաբանության բաժանմունքներում: Բուժումն իրականացվում է ամբողջ ծավալով: Նշենք, որ վերակենդանացման բաժանմունքում բուժում ստացող հիվանդի վիճակը շարունակում է մնալ կայուն ծանր: 

Տուժածներից երկուսի բուժումը շարունակվում է Սկլիֆոսովսկու անվան անհետաձգելի բուժօգնության քաղաքային գիտահետազոտական ինստիտուտում: 

Այժմ քննարկվում է Տուլայի շրջանային կլինիկական հիվանդանոցի վնասվածքաբանության բաժանմունքում բուժում ստացող հիվանդի` Երևան տեղափոխելու հարցը: