Տուլայում վթարից տուժածներից մեկը հիվանդանոցում մահացել է

Նոյեմբերի 7-ին՝ ժամը 11.36-ին, Տուլայի ՃԿԿ տեղեկություն է ստացվել, որ Ուզլովայա ԲԿ-ի վերակենդանացման բաժնում գտնվող՝ 1947 թ. ծնված Հռիփսիմե Սերիկոնյանը  (վիճակը՝ ծայրահեղ ծանր, ախտորոշումը՝ գանգուղեղային վնասվածք) տեղական ժամանակով ժամը 10.30-ի սահմաններում մահացել է. հայտնում է ՏԿԱԻՆ-ը:

Հիշեցնենք, որ նոյեմբերի 3-ին Մ-4 դաշնային ավտոճանապարհի 220-րդ կմ-ում՝ Տուլայի տարածաշրջանի Ուզլովսկի շրջանի Իլինկա գյուղի մոտակայքու, Մոսկվա-Երևան երթուղու՝ «Կինգ Դելյուքս» ՍՊԸ տրանսպորտային ընկերությանը պատկանող «Higer» մակնիշի 510 OP 61 պետհամարանիշով ավտոբուսը, դեռևս չբացահայտված հանգամանքներում, դուրս էր եկել երթևեկելի մասից և շրջվել: ՃՏՊ-ի հետևանքով տուժել էին ՀՀ քաղաքացիներ: