Էրդողանը 2023 թվականի հետ կապված նպատակներ ունի

Թուրքիայի նախագահ Ռեջեփ Թայիփ Էրդողանը հայտնել է, որ նոյեմբերի 1-ին հարգելու են արտահերթ խորհրդարանական ընտրություններում ժողովրդի որոշումը՝ չբացառելով մի կուսակցության ընտրվելու հավանականությունը:

Ըստ Demokrathaber-ի՝ նա հայտնել է, որ ընտրություններում անվտանգությունն ապահովելու հարցում բոլոր տիպի միջոցառումներ ձեռնարկվել են:

Նշելով, որ տնտեսական ներկայիս իրավիճակը 13 տարվա աշխատանքի արդյունք է, Էրդողանն ասել է. «Մեր տարածաշրջանում տեղի ունեցող ահաբեկչական իրադարձություններն ու զարգացումները չեն խոչընդոտելու մեզ՝ հասնել 2023 թվականին Թուրքիայի Հանրապետության 100-րդ տարեդարձի  կապակցությամբ մեր նախատեսած նպատակների իրագործմանը»: