Մեզնից կախված ամեն բան կանենք լարվածությունը նվազեցնելու համար. ռուսաստանցի համանախագահ

 ԵԱՀԿ Մինսկի խմբի համանախագահները խոր ափսոսանք են հայտնում շփման գծում վերջին դեպքերի առնչությամբ: Այդ մասին Բաքվում հայտարարել է ԵԱՀԿ ՄԽ ռուսաստանցի համանախագահ Իգոր Պոպովը. հայտնում է АПА-ն:

Նա նշել է, որ Ադրբեջանի նախագահի և պաշտպանության նախարարի հետ քննարկել է վերջին օրերին առաջնագծում լարվածությունը: «Մենք շատ ենք ցավում տարածաշրջան համանախագահների այցի նախօրեին հրադադարի ռեժիմի լուրջ խախտման դեպքերի առնչությամբ: Մենք պետք է անենք մեր ուժերից կախված  հնարավոր ամեն բան, որպեսզի նման դեպքերն այլևս չկրկնվեն: Մեզնից կախված  ամեն բան կանենք լարվածությունը նվազեցնելու համար»,- ասել է դիվանագետը: