Շղթան պոկել ու փորձել էր փախչել, բայց թաղի տղաների ձեռքն է ընկել

ՀՀ ոստիկանությունից տեղեկացնում են, որ երևանցի 49-ամյա Գուրգեն Ասատրյանը սեպտեմբերի 19-ին ոստիկանության Մալաթիայի բաժին է բերման ենթարկվել: Վերջինս մեղադրվում է կողոպուտ կատարելու մեջ: Ասատրյանը շենքերից մեկի շքամուտքում գողացել էր մի կնոջ կախազարդը:

Տուժողը պատմում է, որ երիտասարդը մտել է շենքի մուտք, պոկել կնոջ շղթան կախազարդի հետ և փորձել փախուստի դիմել.«Շղթան վերցրեց ու փախավ: Հետևից դուրս եկա գոռալով` ձայնիս վրա նրա հետևից վազեցին բակում նստակ երիտասարդները ու բռնեցին նրան: Հետո արդեն տարածքում ծառայություն կատարող ոստիկանները միանգամից բերման ենթարկեցին նրան»:

Ասատրյանը կալանավորված է, քննությունը շարունակվում է: