Այս աբսուրդ գործի ձեռքն ընկել են կրակը. Արգիշտի Կիվիրյանին կրկին հրավիրել են ՀՔԾ

Հասարակական ակտիվիստ Արգիշտի Կիվիրյանին այսօր Կոմիտաս 5-ի գործով հերթական անգամ հրավիրել են Հատուկ քննչական ծառայություն: Նշենք, որ այս գործն արդեն երկու անգամ վերադարձվել է լրացուցիչ նախաքննության:

Yerkir.am-ի հետ զրույցում Կիվիրյանը նշեց, որ Նոր տարուց առաջ իրեն հայտնել էին, որ քրեական գործի նախաքննությունն ավարտվել է:

«Չեմ կարող կանխագուշակել, թե այս անգամ ինչի համար են կանչում: Իրենք այս աբսուրդ գործի ձեռքը ընկել են կրակը, նախաքննական մարմինը գիտի, որ եթե գործն այս ձևով ուղարկի դատարան, կվերածվի խեղկատակության»,- ասաց նա:

Նշենք, որ ակտիվիստը ՀՔԾ կներկայանա ժամը 17:00-ին իր փաստաբանների` Երվան Վարոսյանի և Լուսինե Սահակյանի հետ: