Ազատամարտիկին ծեծի ենթարկելու գործով երեք անձ է բերման ենթարկվել

Ազատամարտիկ Սմբատ Հակոբյանին ծեծի ենթարկելու կասկածանքով ՀՀ ոստիկանության բաժին բերման են ենթարկվել 28-ամյա Ա. Գրիգոյանը, 36-ամյա Ա. Սարգսյանը եւ 28-ամյա Հ. Պետրոսյանը: Այս տեղեկությունը yerkir.am-ի հետ զրույցում հաստատեցին ոստիկանությունից:

Հիշեցնենք, որ երեկ էլ ոստիկանության Կենտրոնականի բաժին էր ներկայացել և բացատրություն տվել ազատամարտիկ Սմբատ Հակոբյանի կողմից նշված անձը՝ Տիգրան անունով, ով նախկինում աշխատել է Ռուբեն Հայրապետյանի թիկնազորում:

Դեպքի առթիվ հարուցվել է քրեական գործ՝ ՀՀ քրեական օրենսգրքի 113-րդ հոդվածի 2-րդ մասի 3-րդ կետով (դիտավորությամբ առողջությանը միջին ծանրության վնաս պատճառելը, որը կատարվել է մի խումբ անձանց կողմից, պատժվում է ազատազրկմամբ՝ առավելագույնը հինգ տարի ժամկետով):