Նորակոչիկին ծեծի ենթարկելու գործով երկու անձ է ձերբակալվել

Այսօր ՊՆ Վարդենիսի զինվորական հոսպիտալից երկկողմանի թոքաբորբ ախտորոշմամբ և մարմնական վնասվածքներով ՀՀ կենտրոնական կլինիկական զինվորական հոսպիտալ տեղափոխված ժամկետային զինծառայող Մհեր Խլղաթյանի գործով երկու անձ է ձերբակալվել: Այս մասին yerkir.am-ին հայտնեց Հ ՊՆ քննչական ծառայության հասարակության հետ կապերի բաժնի ավագ սպա Մերի Սարգսյանը։

Ձերբակալվել են նույն զորամասի ժամկետային զինծառայող, կրտսեր սերժանտ Վահան Արմենի Օհանյանը և զորամասի բուժծառայության պետ, բուժծառայության կապիտան Արմեն Թորոսյանը: Նրանց մեղադրանք է առաջադրվել ՀՀ ՔՕ 358-1-ին և 3-րդ հոդվածի 1-ին կետի հատկանիշներով (մի խումբ անձանց կողմից ստորադասի նկատմամբ բռնություն գործադրելը):