Սդղի գյոլի գործով 3 անձի նկատմամբ դատահոգեբուժական փորձաքննություն է անցկացվել

ՀՀ քննչական կոմիտեի հատկապես կարևոր գործերի քննության գլխավոր վարչության վարույթում է քննվում Գորիսի Սդղի գյոլ կոչվող տարածքում մայիսի 2-ին տեղի ունեցած միջադեպի փաստով հարուցված քրեական գործը:

Մեր հարցին, թե արդյո՞ք հայտնաբերվել է այս գործով մեղադրյալ և հետախուզման մեջ գտնվող Մայիս Խաչատրյանը, և արդյո՞ք ճիշտ է այն տեղեկությունը, թե Մ. Խաչատրյանը բացակայում է հանրապետությունից, կոմիտեից պատասխանել են. «Ձեռք բերված ապացույցների համակցությամբ՝ վարույթն իրականացնող մարմինը որոշում է կայացրել՝ Մ. Խաչատրյանին ՀՀ ՔՕ 113-րդ հոդվածի 2-րդ մասի 3-րդ կետով, որպես մեղադրյալ ներգրավելու մասին: Քննիչը միջնորդություն է ներկայացրել դատարան՝ նրա նկատմամբ կալանավորումը, որպես խափանման միջոց կիրառելու մասին, ինչը բավարարվել է և հունիսի 15-ին նրա նկատմամբ հայտարարվել է հետախուզում»:

Հիշեցնենք, որ Սդղի գյոլում տեղի ունեցած միջադեպի ընթացքում բռնություններ էին կիրառվել Հարություն և Մուշեղ Զաքարյան եղբայրների նկատմամբ: