Տիգրանակերտում քաղաքապետեր են ձերբակալվել՝ «քաղաքական ցեղասպանություն» գործողությունների շրջանակում

Թուրքիայում ոստիկանության իրականացրած «քաղաքական ցեղասպանություն» գործողությունների շրջանակում ձերբակալվել են Տիգրանակերտի Սուր և Սիլվան շրջանների քաղաքապետերը. տեղեկացնում է Siyasihaber-ը:

Կայքի փոխանցմամբ՝ ոստիկանները բռնություն են կիրառել քաղաքապետերի նկատմամբ: Նրանցից մեկին գետին տապալելուց հետո ոստիկանը ոտքով նրա մեջքին է կանգնել, այնուհետև ատրճանակ պարզել քաղաքապետի ընտանիքի անդամների ուղղությամբ:

Գործողության ընթացքում ձերբակալվել է 9 մարդ, որոնց թվում են քաղաքային իշխանության ներկայացուցիչներ ու քրդամետ Ժողովուրդների դեմոկրատական կուսակցության գործիչներ:

Նշվում է, որ ձերբակալությունների թիվը կարող է ավելանալ: