Քրեական հեղինակություն Քանաքեռցի Տույն իրեն մեղավոր ճանաչեց

Այսօր Կենտրոն և Նորք-Մարաշ վարչական շրջանների ընդհանուր իրավասության դատարանում տեղի ունեցավ Քանաքեռցի Տույ մականվամբ հայտնի քրեական հեղինակություն Արթուր Ղազարյանի գործով դատական նիստը: Նշենք, որ նախորդ դատական նիստը հետաձգվել էր:

Ինչպես yerkir.am-ին հայտնեց Ղազարյանի պաշտպան Երեմ Սարգսյանն, այսօրվա դատական նիստին Արթուր Ղազարյանը հայտարարեց, որ ընդունում է իրեն առաջադրված մեղադրանքը: Պաշտպանական կողմը միջնորդեց արագացված դատական կարգ կիրառել, ինչը դատարանը բավարարեց:

Հաջորդ դատական նիստին կողմերը հանդես կգան ճառով:

Հիշեցնենք, որ Արթուր Ղազարյանին մեղադրանք է առաջադրվել գործով չպարզված հանգամանքներում ապօրինի կորպով հրազեն հանդիսացող «Վիկինգ» մոդելի 9մմ տրամաչափի գործարանային արտադրության ակոսափող ատրճանակ և ռազմամթերք հանդիսացող 17 փամփուշտներ ձեռք բերելու և կրելու, որոնք նրա մոտ հայտնաբերվել է ՀՀ ոստիկանության Կենտրոնականի բաժնում կատարված անձնական խուզարկության ժամանակ: