Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Քիչ առաջ ՀԱԿ պատգամավոր Աևամ Մանուկյանին ծեծի ենթարկելու գործով դատավոր Լևոն Ավետիսյանը վերադարձավ խորհրդակցական սենյակից և մերժեց դատախազ Մարգարյանի դեմ ներկայացված` ինքնաբացարկի միջնորդությունը:
Այսպիսով` դատախազը հրապարակեց մեղադրական եզրակացությունը, համաձայն որի` ամբաստանյալ Արշակ Սվազյանը Մոսկվայում գտնվելու ընթացքում youtube կայքի միջոցով դիտել է տեսանյութ, որում երևում է, թե ինչպես է Արամ Մանուկյանը հայհոյում նախագահ Սերժ Սարգսյանին: Այնուհետև, Հայաստան վերադառնալով, 2014-ի դեկտեմբերի 12-ին` ժամը 20:00-ի սահմաններում, Երևան քաղաքի Սոսեի փողոցի շքամուտքում բռունցքով հարվածել է Արամ Մանուկյանի դեմքին՝ դիտավորությամբ առողջությանը պատճառելով թեթև վնաս:
Ամբաստանյալը հայտարարեց, որ իրեն մեղավոր է ճանաչում և միջնորդեց արագացված դատաքննություն կիրառել, սակայն մեղադրող դատախազն ու տուժող կողմն առարկեցին:
Դատարանը մերժեց արագացված դատաքննություն կիրառել: Մեղադրող դատախազը միջնորդեց հետաձգել դատական նիստը՝ պատճառաբանելով, որ նույն դատարանը նախապես նշանակված նիստ ունի: Հաջորդ դատական նիստը նիստը նշանակվեց մայիսի 13-ին: