Հավատանք կյանքին եւ ինքներս մեզ` մանավանդ այն պահերին, երբ դժվար է. Նաստասյա Կինսկի

Քիչ առաջ «Հայաստան» կինոթատրոնում տեղի ունեցավ Նաստասյա Կինսկիի ֆիլմերի հետահայաց ծրագրի բացումը: Նաստասյա Կինսկին նշեց, որ զգացված է հայաստանյան ընդունելությունից: Նա տեղեկացրեց, որ առաջին անգամ է Հայաստանում եւ շատ բան ունի տեսնելու: «Յուրահատուկ եւ ֆանտաստիկ մի բան էր` լինել այստեղ Օռնելա Մուտիի հետ: Ես իմ կյանքում շատ հաջողություններ եմ ունեցել եւ երբեմն, երբ հաջողությունը գալիս է մեզ մոտ, պետք է շատ արագ վերցնել այն: Հրաշալի է երիտասարդ մնալ: Հեշտ չէ մեծանալը: Մեծանալը կարծես մարտահրավեր լինի մեզ համար: Պետք է ուշադիր լինենք, որ չսայթաքենք եւ սխալներ չգործենք: Սայթաքելու վտանգը միշտ էլ կա: Հավատանք կյանքին եւ ինքներս մեզ` մանավանդ այն պահերին, երբ դժվար է»,- ասաց Կինսկին:

Այժմ կինոթատրոնում Ռոման Պոլանսկու «Թեսս» ֆիլմի ցուցադրությունն է, որի համար Կինսկին 18տարեկանում արժանացել է «Ոսկե գլոբուսի»: