Նախագահը չի՞ հասկանում, որ իրեն չեն սիրում. Սուրեն Շահվերդյան

Նախագահը չի՞ հասկանում, որ իրեն չեն սիրում. այսօր լրագրողների հետ զրույցում նշեց ռեժիսոր Սուրեն Շահվերդյանը` անդրադառնալով էլեկտրաէներգիայի թանկացման դեմ ցույցի վերաբերյալ նախագահի հայտարարությանը:

Ըստ նրա` այդ հայտարարությունից պարզ է դառնում, որ ոչինչ էլ չի փոխվելու: «Նա տողեր էր կարդում, որոնք ես չէի հասկանում, և կարծում եմ` նա էլ չէր հասկանում: Մեր իշխանությունները, կարծում եմ, պետք չի այս բազմության դեմ այսքան ցինիկորեն գնան»,-ասաց Շահվերդյանը:

Ըստ նրա` մենք ատոմակայան ունենք և Վրաստանին էլեկտրաէներգիա ենք վաճառում, որը, ընդ որում, Վրաստանում ավելի էժան է, քան մեզ մոտ, և դեռ ուզում են թանկացնե՞լ մեզ մոտ էլեկտրաէներգիան: «Եթե հարցին լուծում չտրվի, ուրիշ մեթոդներ կգտնենք, ասենք` հաշվիչները կփչացնենք, սպառած հոսանքի գումարն ազգովի չենք վճարի»,- ասաց Շահվերդյանը: