Խոլերայի բուն է. Օսիպյանը դժգոհեց Բաղրամյան պողոտայում կուտակված աղբից

Քիչ առաջ, Երևանի փոխոստիկանապետ Վալերի Օսիպյանի հրահանգով, Բաղրամյան պողոտայի շինությունների մեկի բակից հանվեց ակտիվիստների կողմից տեղադրված վրանը։ Օսիպյանը հայտնեց, որ ակցիաների ավարտից հետո վրանի տերը կարող է մոտենալ ոստիկանության Արաբկիրի բաժին և ստանալ վրանը։

Նա խոսեց նաև Բաղրամյան փողոցում կուտակված աղբի մասին։ «Խոլերայի բուն ա, աղբամաները բոլոր տեղերից առգրավել եք, այն դեպքում, որ ամեն մի տարան մեծ քանակի ազգաբնակչության է սպասարկում»,- ասաց նա: Ոստիկանապետի խոսքով` «Սանիտեկ» ընկերությունը վախենում է գալ Բաղրամյան և տանել աղբը։

Ցուցարարներից մեկի դիտարկմանը, թե ոստիկանությունը չի՞ խոչընդոտի, եթե ցուցարարներն իրենց միջոցներով մեքենա բերեն, որն էլ տեղափոխի աղբը, Օսիպյանը պատասխանեց․ «Ոչ մի մեքենա այս տարածք չի մտնի»: