Բիբին ա, ինչ ա, տեսե՞լ եք` իրեն ոնց ա պահում. Սերգեյ Դանիելյան

Բիբին, Բիբին, էդ մարդուն ծախել են մեր ապրանքը, հիմա ինքն էլ անում է այն, ինչ ուզում է. այսօր լրագրողների հետ զրույցում ասաց դերասան Սերգեյ Դանիելյանը` խոսելով էլեկտրաէներգիայի թանկացման մասին:

Նրա կարծիքով` նախագահին դիմել պետք չէ, քանի որ հոսանքն այլևս մերը չէ: «Ի՞նչ եք կպել Բիբինից, մեր օլիգարխների ձեռքը մենք կրակը չենք ընկե՞լ: Է, Բիբինի ազգանունը կարող էր, չէ՞, լինել Բիբինյան: Բիբինի պետքին էլ չի, նա բիզնեսմեն է, ուզում է հարստանալ ու, նստած, իր փողն է հաշվում: Բիբին ա, ինչ ա, տեսե՞լ եք` իրեն ոնց ա պահում»,- ասաց Դանիելյանը:

Yerkir.am-ի հարցին` ինչպե՞ս կմեկնաբանեք այն, որ Բիբինն ԱԺ չէր էր գնում` էլեկտրաէներգիայի թանկացման հետ կապված լսումներին մասնակցելու, Դանիելյանը պատասխանեց, որ Բիբինը մեզ չի հարգում: «Մեր իշխանության կեցվածքից է գալիս նրա վերաբերմունքը»,- ասաց նա: