Անիի տաճարում հայ կնոջ աղոթքին հաջորդել է թուրքական էզանը

Անիի Մայր տաճարում հայ երաժիշտ Սաթենիկ Վարդանյանի բարձրաձայն աղոթքին ի պատասխան՝ Ֆաթիհ Ունալ անով թուրք երիտասարդը էզան (թուրքերեն աղոթել) է արել:

Ըստ Haberler-ի՝ Վարդանյանը թուրքի արարքի մասին ասել է, որ տարբերություն չկա` ինչ լեզվով է մարդն աղոթում, Աստված մեկն է, և Աստծո հետ խոսում են տարբեր լեզուներով:

Ունալն իր պահվածքն այսպես է մեկնաբանել. «Ես տեղյակ չեմ՝ քիչ առաջ ինչ է կատարվել այստեղ, ես պարզապես ցանկացա էզան անել»:

«Հայաստանցի կինը Անիի տաճարում աղոթել է հայ անվանի դաշնակահար Տիգրան Համասյանի՝ հայ-թուրքական սահմանին գտնվող պատմական Անիի ավերակներում տված համերգից մեկ օր հետո»,- գրել է կայքը՝ նշելով, որ թուրքը կանգել և աղոթել է տաճարի հենց այն վայրում, ուր հայ Վարդանյանն է աղոթել: