Հայ-թուրքական սահմանին գտնվող Անիի կամուրջը կվերականգնվի թուրքերի կողմից

UNESCO-ի Համաշխարհային ժառանգության ցանկում գտնվող Անիի ավերակների մաս կազմող Անիի կամուրջը կվերականգնվի։ Հայ թուրքական սահմանին գտնվող կամուրջի վերականգնման ծրագրի առաջարկն արվել է Կարսի Ճանապարհային գլխավոր վարչության կողմից. հայտնում է gazetekars.com կայքը։

Կայքը, «թուրքական գործելաոճի համաձայն, չի հիշատակում Անիի հայկական պատկանելիության, Անիի կամուրջի՝ ում կողմից կառուցվելու մասին, իսկ կամուրջը անվանում են «Մետաքսե ճանապարհի կամուրջ»։

Թուրքիայի Տրանսպորտի, ծովագնացության և հաղորդակցության նախկին նախարար, այժմ Կարսից պատգամավոր Ահմեթ Արսլանը նշել է, որ Անիի ավերակները թուրքերի համար շատ կարևոր և արժեքավոր են, քանզի Ալփարսլան սուլթանը 1064 թ. առաջին անգամ հայտնվելով այս տարածքում, առաջինն այստեղ է ոտք դրել։ «Բացի այդ, այս շրջանտ մի շարք մշակույթների համար եղել է որպես մայրաքաղաք և Անիի գլխավոր հատկանիշներից մեկը Մետքասե ճանապարհի վրա գտնվելն է։

Հիշեցնենք, որ օրեր առաջ տեղեկացրել էինք նաև, որ թուրքերը պատրաստվում են վերանորոգել Անիի պատմական մզկիթը։