ԲԱՔՈւ-2015. հայ սամբիստները կպայքարեն բրոնզե մեդալների համար

Բաքվում ընթացող Եվրոպական խաղերում այսօր երեկոյան` Երևանի ժամանակով ժամը 18-ին, կմեկնարկեն սամբոյի վճռական գոտեմարտերը:

Ինչպես հայտնում է Հայաստանի հավաքականի մամուլի քարտուղար Կարեն Գիլոյանը,  Հայաստանի 3 ներկայացուցիչներն էլ կգոտեմարտեն բրոնզե մեդալի համար: 57 կգ քաշային կարգում հանդես եկող` աշխարհի, Եվրոպայի և Համաշխարհային ուսանողական խաղերի չեմպիոն Տիգրան Կիրակոսյանը կմրցի բելառուս Վլադիսլավ Բուրձի հետ: 90 կգ քաշային կարգում հանդես եկող` աշխարհի ու Եվրոպայի բազմակի չեմպիոն Աշոտ Դանիելյանի մրցակիցը լիտվացի Ռադվիլաս Մատուկասն է: Աշխարհի ու Եվրոպայի առաջնությունների մրցանակակիր Սոսե Բալասանյանն էլ ուժերը կչափի բուլղարացի Մագդալենա Վարբանովայի հետ: