Արման Ծատուրյանը` Ազգային պատկերասրահի տնօրեն

Այսօր մշակույթի նախարարությունում տեղի է ունեցել Ազգային պատկերասրահի տնօրենի պաշտոնի համար անցկացվող մրցույթը:

Yerkir.am-ին մշակույթի նախարարությունից տեղեկացրին, որ տնօրենի թափուր պաշտոնը զբաղեցնելու համար դիմել էր երեք թեկնածու՝ Արման Ծատուրյանը, Արթուր Ավագյանը և Սաթենիկ Վարդանյանը: Մրցույթն անցկացվում էր երկու փուլով` թեստավորում և հարցազրույց: Սաթենիկ Վարդանյանը չի հաղթահարել մրցույթի առաջին փուլը: Երկրորդ` հարցազրույցի փուլի արդյունքների համաձայն` հանձնաժողովը կատարել է իր ընտրությունը` Արման Ծատուրյանը նշանակվել է Ազգային պատկերասրահի տնօրեն:

Հիշեցնենք, որ Ծատուրյանը Կամերային երաժշտության ազգային կենտրոնի տնօրենն է: