Քշիշտոֆ Պենդերեցկու` Ցեղասպանության 100-րդ տարելիցին նվիրված գործի պրեմիերան` ՀՀ-ում

«Երևանյան հեռանկարներ» փառատոնն այս տարի մեկնարկեց աշխարհահռչակ դաշնակահար Եվգենի Կիսինի համերգով: Փառատոնի կազմակերպիչները, սակայն, խոստանում են, որ որ դա փառատոնի ընթացքում միակ անակնկալը չէր հանդիսատեսի համար:

«Երևանյան հեռանկարներ» փառատոնի գեղարվեստական ղեկավար, կոմպոզիտոր Ստեփան Ռոստոմյանը լրագրողների հետ հանդիպման ժամանակ տեղեկացրեց, որ սեպտեմբերից նոյեմբեր ամիսներին փառատոնը Հայաստանում հյուրընկալելու է անվանի դեմքերի և նվագախմբերի:

«Հայաստանում համերգով հանդես կգա Իսրայելի ֆիլհարմոնիկ նվագախումբը /դիրիժոր` Զուբին Մեթա/: Մենք արդեն 7 տարի է, ինչ սպասում ենք նրանց Հայաստանում: Այստեղ համերգով հանդես կգա նաև դաշնակահար Մարթա Արգերիխը, թավջութակահար Միշա Մայսկին` դաշնակահար Լիլի Մայսկիի հետ համատեղ, ինչպես նաև Academy of Saint Martin in the fields-ը /դիրիժոր և մենակատար` Զոշուա Բել/: Ի դեպ, այս տարի Հայաստանում տեղի կունենա նաև Քշիշտոֆ Պենդերեցկու` Ցեղասպանության 100-րդ տարելիցի կապակցությամբ երգչախմբի համար գրած ստեղծագործության պրեմիերան»,- ասաց Ռոստոմյանը: