Ֆրանսիա-Հայաստան հանդիպումը՝ Հայոց ցեղասպանության 100-րդ տարելիցին նվիրված միջոցառումների շարքում

2015 թվականի հոկտեմբերի 8-ին Հայաստանի ազգային հավաքականը արտագնա խաղում ընկերական հանդիպում է անցկացնելու ԵՎՐՈ-2016-ը հյուրընկալող Ֆրանսիայի հավաքականի հետ, որը նախատեսված է անցկացնել Փարիզի «Ստանդ դե Ֆրանս» մարզադաշտում:

Այս առիթով Մարսելի քաղաքապետ Ժան-Կլոդ Գոդանը նամակ է գրել Ֆրանսիայի ֆուտբոլի ֆեդերացիայի նախագահ Նոյելա Գրայետին, որպեսզի Ֆրանսիա-Հայաստան հանդիպումը տեղի ունենա ոչ թե Փարիզում, այլ Մարսելում:

Նամակում մասնավորապես ասվում է. «Պարոն նախագահ, ես ցանկացա, որպեսզի Հայոց ցեղասպանության 100-րդ տարելիցի կապակցությամբ 2015թ.-ը Մարսելում լինի Հայաստանի տարի: Մենք կցանկանանք, որ Ֆրանսիա-Հայաստան հանդիպումը կայանա Մարսելի «Վելոդրոմ» մարզադաշտում և թույլ տանք դրանով, որ Մարսելում ապրող 80.000 հայերը բացահայտեն Հայաստանի հավաքականը: Հուսով ենք՝ հաշվի կառնեք այն հանգամանքը, որ «Վելոդրոմ» մարզադաշտում վերջին խաղերին երկրպագուների ռեկորդային քանակ է ներկա լինում, և այն, որ Մարսելը ճանաչվելու է 2017 թվականի Եվրոպայի սպորտի մայրաքաղաք»: