Գալուստ Սահակյանը թող իր հարցերը լուծի. աներորդի պատգամավորը նեղացած է

Այսօր լրագրողների հետ զրույցում ՀՀԿ-ական պատգամավոր, ԱԺ նախագահի աներձագ Աշոտ Աղաբաբյանը դարձյալ ասաց, որ գնում է սնանկացման, իսկ «Հրազդան» տոնավաճառը, որպես հիմնարկ, գլորվում է անդունդը:

«Հրազդան ստադիոնի արևելյան տրիբունան կարելի է վաճառել»,- ասաց պատգամավորը՝ չհերքելով, որ նեղացած է իշխանություններից: Նա կարծիք հայտնեց, որ հանրապետության նախագահին ամբողջ ինֆորմացիան չեն ներկայացնում:

Հարցին, թե Գալուստ Սահակյանը արդյո՞ք չի աջակցում, Աղաբաբյանը պատասխանեց. «Գալուստ Սահակյանը թող իր հարցերը լուծի, ինձ հետ ի՞նչ գործ ունի: Իմ հարցերը նրա հարցերը չեն»:

Իսկ հարցին, թե հարկային տուգանքները չե՞ն տարածվում Հովիկ Աբրահամյանի եւ Գագիկ Խաչատրյանի բիզնեսների վրա, արձագանքեց. «Այդ հարցը, որ տվել ես, պատասխանն էլ գիտես»: