Կոստանյանին ոչինչ չի խանգարում, բայց...

Այսօր լրագրողները գլխավոր դատախազ Գևորգ Կոստանյանից հետաքրքրվեցին, թե ինչո՞ւ գազի հարցերով ժամանակավոր հանձնաժողովի եզրակացությունը չի ընդունվում որպես հաղորդում հացագործության մասին, գործ չի հարուցվում՝ ոլորտի չարաշահումները պարզելու համար:

«Ոչ մի բան էլ չի խանգարում: Խնդիրն այն է, որ մենք խոսում ենք ֆիզիկական անձի հաղորդման և զանգվածային լրատվության միջոցների հաղորդման մասին: ԶԼՄ-ներն իրենց հաղորդման կամ հայտարարությունների մեջ, որպես կանոն, այդ հայտարարությունների հիմքում դնում են կոնկրետ ֆիզիկական անձի տված տվյալը, այսինքն` «ինչպես ասում է Պողոս Պողոսյանը», հետևաբար, այստեղ չի գործում քրեական դատավարության 179 հոդվածը, որովհետև, ըստ էության, հաղորդում տված անձը ֆիզիկական անձն է, ոչ թե լրատվամիջոցը, հետևաբար, այստեղ կիրառվում է ֆիզիկական անձի նկատմամբ պատասխանատվության կիրառումը: Երբ լրագրողը որևէ լրատվամիջոցում որևէ տվյալ կամ հանցագործության մասին հաղորդում է տրամադրում` վկայակոչելով կոնկրետ ֆիզիկական անձի, այս ժամանակ արդեն նյութերի նախապատրաստման ընթացքում հրավիրվում է տվյալ ֆիզիկական անձը»,- ասաց գլխավոր դատախազը: