Փոխարժեքներ
03 04 2025
|
||
---|---|---|
USD | ⚊ | $ 391.16 |
EUR | ⚊ | € 422.18 |
RUB | ⚊ | ₽ 4.6495 |
GBP | ⚊ | £ 505.97 |
GEL | ⚊ | ₾ 141.47 |
Այսօր լրագրողների հետ հանդիպման էին եկել ԵԱՏՀ կոլեգիայի անդամներ` նախարարներ Վլադիմիր Գոշինը, Տիմուր Սուլեյմենովը, Անդրեյ Սլեպնյովը, ՀՀ միջազգային տնտեսական ինտեգրացման և բարեփոխումների նախարարի առաջին տեղակալ Սուրեն Կարայանը:
Լրագրողների հարցին, թե ինչպե՞ս պետք է վերացնեն այն խնդիրները, որոնք խոչընդոտում են հայ արտադրողներին` արտահանել իրենց ապրանքը, Անդրեյ Սլեպնյովը նշեց, որ Ռուսաստանում ռուբլու արժեզրկումը չէր կարող չանդրադառնալ Հայաստանի տնտեսության վրա:
«Իհարկե, իրավիճակը լավը չէ, որովհետև անկում է արձանագրվում Հայաստանի հետ ապրանքաշրջանառության մեջ, բայց այդ բացասական երևույթների վերացումը երկարատև պրոցես է: Այնպես չէ, որ միությունը վատն է, միությունը լավն է, տալիս է հնարավորություններ, բայց հիմա բոլորս ենք գտնվում ճգնաժամի մեջ և պետք է միասին դուրս գանք այդ վիճակից` համատեղ ուժերով»,- ասաց նա:
Հարցին, թե ի՞նչ խնդիրների մասին են բարձրաձայնում հայ արտադրողներն ու գործարարները, Սուրեն Կարայանը պատասխանեց, որ հիմնական խնդիրներն են` ԱԱՀ վերադարձման խնդիրը, բեռնափոխադրումների, միգրացիայի ու կոմունիկացիաների հետ կապված խնդիրները: