Թուրքերը ետ չկանգնեցին իրենց որոշումից՝ քանդեցին հայկական որբանոցը

Օրեր առաջ ահազանգել էինք, որ Արևմտյան Հայաստանի Սեբաստիա նահանգում գտնվող Թուզլա գյուղի «Արմեն» հայկական որբանոցը կանգնած է քանդման վտանգի առջև:

«Ակօս»-ի հաղորդմամբ՝ չնայած որբանոցը քանդելուն դեմ ուղղված բոլոր արշավներին՝  շինարարական մեքենաները վաղ առավոտյան գետնին են հավասարեցրել որբանոցի շենքը:

«Թուրքիայի հայկական համայնքի՝ պետության կողմից խլված գույքից ամենավառ խորհրդանշական իմաստն ունեցող այս որբանոցը 1915 թվականին տուն է եղել բազում հայ որբերի, այդ թվում` Հրանտ Դինքի ու Ռաքել Դինքի, պատգամավոր Էրոլ Դորանի և 1500 այլ երեխաների»,- գրում է «Ակօս»-ը:

Որբանոցի տարածքում նախատեսում են կառուցել շքեղ առանձնատներ:  

Հիշեցնենք, որ այդ որոշմանը դեմ քաղաքացիներն արշավ էին սկսել համացանցում: Նրանք, տեղեկացնելով, որ թույլ չեն տա նման գործողություն, տեղադրում էին #KampArmen հեշթեգը: