Թուրքիայում ֆուտբոլիստները դուրս կգան խաղի՝ հայկական որբանոցը հայերին վերադարձնելու պահանջով

Մայիսի 30-ին Թուրքիայի «Karşı Lig» ֆուտբոլային խումբը դաշտ դուրս կգա Թուզլայի հայկական որբանոցը հայերին վերադարձնելու պահանջով:

Demokrathaber-ը տեղեկացնում է, որ խաղը կանցկացվի հայկական ճամբար-որբանոցի հարակից ֆուտբոլային դաշտում:

Ֆուտբոլային խաղի մասին տարածված հայտարարության մեջ նշված է. «Թող չքանդվի «Արմեն» ճամբարը, այն հայ ժողովրդին թող վերադարձվի: Մենք լինելու ենք այնտեղ, ուր Հրանտ Դինքն է ֆուտբոլ խաղացել»:

Հիշեցնենք, որ օրեր առաջ Թուրքիայում Հայկական որբանոցի սեփականությունը հայերին վերադարձնելու մասին էին հայտնել, սակայն որբանոցի ոչնչացման դեմ պայքարի մասնակիցները որոշել են շարունակել պայքարը մինչև գործընթացի ավարտը: