Փոխարժեքներ
30 01 2025
|
||
---|---|---|
USD | ⚊ | $ 398.27 |
EUR | ⚊ | € 414.32 |
RUB | ⚊ | ₽ 4.0524 |
GBP | ⚊ | £ 494.49 |
GEL | ⚊ | ₾ 138.29 |
Արդեն տեղեկացրել ենք, որ մայիսի երեքին Արցախում տեղի են ունենալու խորհրդարանական ընտրություններ, որոնք ընթանալու են 11 ընտրատարածքների 279 ընտրատեղամասերում: Այսօր նախընտրական քարոզարշավի վերջին օրն է:
Նշենք, որ Երևանում ևս ընտրատեղամաս կա` ԼՂՀ ներկայացուցչության շենքը:
ԼՂՀ կենտրոնական ընտրական հանձնաժողովի մամուլի կենտրոնի ղեկավար Լեոնիդ Մարտիրոսյանը Yerkir.am-ի հետ զրույցում տեղեկացրեց, որ այս պահի դրությամբ արդեն ցուցակագրված է 99880 ընտրող: Հարկ է նշել, որ դիտորդական առաքելությամբ Արցախ են ժամանել և դեռ կժամանեն օտարերկրյա դիտորդներ, ինչպես նաև` արտասահմանյան մի շարք երկրների ԶԼՄ ներկայացուցիչներ` լուսաբանելու Արցախի խորհրդարանական ընտրությունները:
ԼՂՀ ԿԸՀ մամուլի պատասխանատուի ներկայացմամբ` միջազգային միջխորհրդարանական կազմակերպություններ ներգրավված չեն դիտորդական առաքելություն իրականացնելու մեջ: Վերջինս տեղեկացրեց, որ Արցախ են ժամանել շուրջ իննսուն օտարերկրյա ներկայացուցիչներ ` իրականացնելու դիտորդական առաքելություն: Այդ երկրների թվում են Գերմանիան` Բունդեսթագի ներկայացուցչի մակարդակով ներկայացված, Կանադան, Ռուսաստանի Դաշնությունը, Կիպրոսը, Ֆրանսիան, Մեքսիկան, Բելգիան և այլք: