ՏԵՍԱՆՅՈՒԹ․ Պետք է աջակցենք փոքր և միջին գյուղացիական տնտեսություններին․ Արթուր Խաչատրյան

Մենք մեծ ուշադրություն ենք դարձնում տարածքների համաչափ զարգացմանը՝ ըստ Yerkir.am-ի ասաց «Հայաստան» դաշինքի անդամ, ՀՅԴ Հայաստանի ԳՄ անդամ Արթուր Խաչատրյանը Ամասիայում՝ ընտրողների հետ հանդիպմանը։

Նա նշեց, որ համայնքների համապարփակ զարգացման ծրագիրը պետության զարգացմանը նպաստող հիմնական ուղղություն է և մաս է կազմում տնտեսական զարգացման ընդարձակ ծրագրի։

«Հստակ հասկանում ենք, որ չկա աշխարհում որևէ զարգացած երկիր, որը չունենա հզոր գյուղատնտեսություն։ Զարգացած գյուղատնտեսություն ունենալը հպարտություն է, այլ ոչ թե՝ պիտակ են կպցնում և այլն։ Գյուղատնտեսությունը պետք է երկիրն ապահովի պարենային անվտանգությամբ։ Եվ նաև՝ գյուղատնտեսությունը պետք է լինի կենսակերպ, որովհետև մշակումների զգալի մասը սուբսիդիաների միջոցով պետք է կարողանան խթանել մարդկանց կենսակերպը»,-ասաց Արթուր Խաչատրյանը։

Աջակցության հիմնական շեշտը պետք է դնել փոքր և միջին գյուղացիական տնտեսությունների վրա՝ մանրամասնեց նա։ Իհարկե, բիզնեսին էլ պետք է աջակցել, բայց պետական սուղ միջոցներից, Խաչատրյանի խոսքով, պետք է օգնել տնտեսություններին, որ ով 1 հեկտար դաշտ է ցանում՝ ցանի 3 հեկտար, և պետությունը պետք է աջակցի կազմակերպել նաև մթերումները։

Մանրամասն՝ տեսանյութում․