Ինչ կասի Ազնավուրը, երբ հանդիպի Աստծուն

Ռուսական «Առաջին հեռուստաալիքով «Պոզներ հաղորդման» վերջում Շառլ Ազնավուրը պատասխանեց Մարսել Պրուստի 10 հարցին:

-Ո՞րն է Ձեր սիրելի, նախընտրելի խոսքը:

- «Աբչերենտե», որ նշանակում է հրաշալի է: Չգիտեմ՝ ինչի եմ սիրահարվել այդ բառին, բայց հաճախակի եմ կրկնում:

- Իսկ ո՞րն է Ձեր ամենաչսիրված խոսքը:

-«Անշնորհակալ» բառը չեմ սիրում, որովհետեւ դա նշանակում է այն, ինչ ես ամենաշատը չեմ սիրում:

-Դուք տարբեր աստղերի հետ եք երգել: Կա՞ մեկը, ում հետ չեք երգել, բայց շատ կուզեիք:

-Ռեյ Չարլզը:

-Տղամարդու ամենալավ հատկանիշը:

-Զգացմունքայնությունը:

- Իսկ կնո՞ջը:

- Միշտ իմ հետեւում:

-Անմարդաբնակ կղզի գնալուց ի՞նչ կվերցնեիք Ձեզ հետ:

- Գրելու պարագաներ:

-Եթե հնարավորություն ունենայիք սեղան նստելու  եւ ուրախանալու պատմությանը հայտնի որեւէ  մեկի հետ, ո՞ւմ կընտրեիք:

-Եթե միայն մեկի հետ, ապա Լաֆոնտենին:

-Ի ՞նչ է ընկերությունը:

-Գիտեք, եթե դիտարկենք այդ բառն առանց «սեր» բառի, այն շատ բան չի նշանակի:

-Ձեզ համար բաժակը կիսով չափ լի՞քն է, թե՞ կիսով չափ դատարկ:

-Իհարկե, կիսով չափ լիքն է, եւ դա հանդիսատեսով լի դահլիճն է:

-Եթե հանդիպեիք Բարձրյալին, ի՞նչ կասեիք:

-Կասեի՝ ողջյու՜յն, եւ հետո պետք է նա խոսի, որովհետեւ ես քիչ սխալներ չեմ արել…  Բայց դե նա էլ սխալներից զերծ չի մնացել: